Një nga anijet e flotilës që po udhëton drejt Gazës për të dërguar ndihma humanitare ka pësuar defekt të rëndë në motor dhe është tërhequr nga përdorimi pranë brigjeve të Kretës.
Britaniko-palestinezi Kieran Andrieu, gazetar që ndodhet në bordin e anijes Family, konfirmoi se anija ka dalë jashtë funksionit dhe se tashmë është e pamundur të vazhdojë rrugëtimin.
“Ende po përpiqemi të kuptojmë arsyen e dështimit dhe nuk mund të përjashtojmë sabotazhin. Humbja e anijes është e ashpër dhe stresuese. Por misioni nuk ka përfunduar – flotila mbetet e vendosur të arrijë në Gaza dhe të thyejë bllokadën”, tha Andrieu.
Sipas tij, personat që ndodhen në bordin e Family – gjithsej 31 – do të kenë mundësi të shpërndahen në anijet e tjera të flotilës, në mënyrë që askush të mos heqë dorë nga misioni humanitar.
Mekanizmat e flotilës tentuan të riparonin defektin, por pa sukses. Aktivistët theksojnë se, pavarësisht kësaj pengese, qëllimi i tyre për të shpërndarë ndihmat dhe për të sfiduar bllokadën izraelite ndaj Gazës mbetet i pandryshuar.
