Një spikerja e lajmeve televizive e vlerësuar me çmime në Turqi, Meltem Günay, u pushua nga puna pasi u shfaq në kamera me një filxhan Starbucks në tryezën e saj, gjë që u interpretua si një akt provokues në një vend ku kompania me bazë në Seattle shihet si pro-izraelite.
Meltem Günay, një spikere 45-vjeçare e lajmeve me TGRT Haber, dhe drejtori i programit u pushuan menjëherë pas transmetimit të së dielës, sipas konglomeratit televiziv turk.
Kompania mediatike me qendër në Stamboll tha se “kupton dhe i njeh ndjeshmëritë e popullit turk në lidhje me Gazën dhe i mbron ata deri në fund”.
“Ne nuk e miratojmë këtë sjellje të prezantuesve dhe drejtorëve të cilëve u është anuluar kontrata e punës dhe i dënojmë ashpër”, thuhet në njoftimin e televizionit.
Qytetarët në Turqi kanë bojkotuar Starbucks në të gjithë vendin javët e fundit për shkak të njëanshmërisë pro-izraelite të kompanisë, sipas New York Post.
Përdoruesit e mediave sociale kanë shpërndarë video virale që tregojnë njerëz që protestojnë jashtë vendndodhjeve të Starbucks dhe kërkojnë që klientët të qëndrojnë larg prodhuesit.
