Mund të duket sikur inteligjenca artificiale ka një përgjigje për çdo pyetje tuajën – por për disa tema duhet të qëndroni larg. Ja cilat janë ato pyetje…
ChatGPT tashmë është bërë pjesë e pandashme e jetës sonë.
Përdoret aktivisht në fusha si arsimi, puna, jeta e përditshme dhe kreativiteti.
Të gjithë, edhe për gjënë më të vogël që u ngjall kureshtje, nuk hezitojnë t’ia drejtojnë pyetjen ChatGPT-së.
Por… për disa tema duhet të hezitoni.
Me versionet e reja, modelet e inteligjencës artificiale janë bërë më të avancuara në përgjigje, por kjo nuk i bën të besueshme në çdo fushë. Ekspertët theksojnë se jo vetëm ChatGPT, por edhe mjete si Google Gemini, Microsoft Copilot, DeepSeek etj., nuk duhet të përdoren për disa tema të caktuara.
Ja 4 pyetje që nuk duhet t’i bëni kurrë ChatGPT-së:
1. SHËNDETI PERSONAL DHE TRAJTIMI MJEKËSOR
Edhe pse inteligjenca artificiale mund të ofrojë informacion të përgjithshëm mbi shëndetin, nuk është burim i besueshëm për probleme shëndetësore personale.
Çdo njeri ka gjendje të veçantë dhe përgjigjet e marra nga AI mund të jenë të gabuara dhe të rrezikshme.
2. KËSHILLA PËR INVESTIME
Vendimet financiare varen nga oreksi i rrezikut, kushtet ekonomike dhe faktorë të tjerë individualë.
Edhe pse AI mund të analizojë të dhënat në internet dhe të japë sugjerime, nuk ofron analiza të personalizuara.
3. TË DHËNA PERSONALE
Dhënia e numrit të identitetit, adresës, të dhënave të bankës ose të dhënave të ndonjë personi tjetër në një platformë të AI-së mund të sjellë rrezik të madh sigurie.
Këto informacione mund të keqpërdoren.
4. PËRMBAJTJE JASHTË LIGJIT DHE JO ETIKE
Ka raste ku inteligjenca artificiale mund të përdoret për qëllime të këqija – si sulme kibernetike, veprime të jashtëligjshme, apo plane të dhunshme.
Të kërkosh ndihmë nga AI për këto tema nuk është vetëm shkelje etike, por edhe një rrezik serioz ligjor.
Përmbledhje:
ChatGPT është një mjet i fuqishëm, por nuk është mjek, jurist, as konsulent financiar.
Përdoreni me kujdes, brenda kufijve etikë dhe ligjorë.
