Ish-kryeministri i Shqipërisë, Pandeli Majko ka thënë se zgjedhja e presidentit të Kosovës po kthehet në një “lodër vetëvrasëse”.
Ai në një shkrim në Facebook, ka thënë se situata e krijuar po e vret mekanizmin për gjetjen e zgjidhjes së krizës.
Majko tutje thotë se Kosova rrezikon të hyjë në paradhomën e shteteve të dështuara”.
“Situata e krijuar në politikën e Kosovës po “vret” mekanizmin e fundit për gjetjen e zgjidhjes së krizës! Ky mekanizëm është i lidhur zgjedhjet e parakohshme! Votuesit kanë “ngrirë” rezultatet dhe krizën e mosmarrëveshjes! Në kutinë e votimit, Kosova po mbetet jetime! Kosova rrezikon, seriozisht, të hyjë në paradhomën e shteteve të dështuar!”, ka shkruar ai.
Postimi i tij:
Zgjedhja e presidentit të republikës, në Prishtinë, po kthehet në një “lodër” vetvrasëse!
Situata e krijuar në politikën e Kosovës po “vret” mekanizmin e fundit për gjetjen e zgjidhjes së krizës! Ky mekanizëm është i lidhur me zgjedhjet e parakohshme! Votuesit kanë “ngrirë” rezultatet dhe krizën e mosmarrëveshjes!
Në kutinë e votimit, Kosova po mbetet jetime!
Kosova rrezikon, seriozisht, të hyjë në paradhomën e shteteve të dështuar!
Shpresa e fundit, është lodhja nga ideja se dështimi i njëri tjetrit është “zgjidhje”!
Errësira e vërtetë nuk është ajo që njohim, por bindja se drita nuk do të vijë!…
