Pas transferimit të tij nga Chelsea te Arsenali, Noni Madueke ka shprehur emocionet dhe pritshmëritë për kapitullin e ri në karrierën e tij.
Sulmuesi anësor u shpreh se beson fuqishëm në këtë hap të ri dhe se do të bëjë gjithçka për të ndihmuar ekipin të arrijë objektiva të mëdha.
“Unë jam dikush që ndjek instinktin tim dhe deri më tani kjo më ka çuar gjithmonë në drejtimin e duhur”, deklaroi Madueke për faqen zyrtare të klubit.
“Nuk mendoj se këtu do të jetë ndryshe. Jam shumë i lumtur që jam pjesë e Arsenalit dhe besoj se do të jetë një sukses i madh”.
23-vjeçari theksoi edhe emocionet personale pas kalimit te Arsenali, duke e quajtur këtë transferim një rikthim në shtëpi.
“Jam ndier shumë i qetë gjatë gjithë procesit, duke pritur dritën jeshile për të ardhur këtu. Kur arrita sot, gjithçka m’u duk reale. Është një moment krenarie për mua dhe për familjen time. Është fantastike të jem pranë prindërve të mi – e di që mami më ka munguar”, shtoi anglezi.
