İmamoğlu dhe ekzekutivë të tjerë të lartë përballen me arrestimin në hetimin e mashtrimit të gjerë nga Zyra e Kryeprokurorit Publik të Istanbulit.
Kryebashkiaku i Istanbulit, Ekrem İmamoğlu, është arrestuar nga gjykata penale nën hetimin për korrupsion në bashkinë metropolitane turke, transmeton Anadolu.
“Në kuadër të hetimeve të kryera nga kryeprokuroria jonë, Gjykata e Magjistraturës në detyrë ka vendosur arrestimin e të dyshuarit Ekrem İmamoğlu, me akuzën e krijimit dhe drejtimit të një organizate kriminale, marrjes së ryshfetit, zhvatjes, regjistrimit të paligjshëm të të dhënave personale dhe ndërhyrja në një tender, në kuadër të një hetimi financiar”, njoftoi Zyra e Kryeprokurorit Publik.
Zyra e Kryeprokurorit Publik të Istanbulit ka nisur hetime kundër İmamoğlut dhe 99 të dyshuarve të tjerë me disa akuza, përfshirë drejtimin e një organizate kriminale, anëtarësimin në një organizatë kriminale, përvetësim, ryshfet, mashtrim të rëndë, marrje të paligjshme të të dhënave personale dhe manipulim të tenderëve publik.
Pas përpunimit të tyre në komisariat, disa të dyshuar u transferuan në Gjykatën e Istanbulit në Çağlayan, ku u zhvilluan procedurat e tyre pranë gjykatës penale në detyrë.
Gjykata vendosi për arrestimin e İmamoğlut.
Murat Ongun, një ndihmës i İmamoğlut, si dhe kryetari i Medya Inc., një kompani në pronësi të bashkisë, së bashku me drejtorin e përgjithshëm të kompanisë İmamoğlu İnşaat, Tuncay Yılmaz, gjithashtu u arrestuan si pjesë e hetimit.
Procedurat për të dyshuarit e tjerë janë ende në vazhdim.
