Izraeli ka shprehur shqetësim rreth raporteve që Gjykata Penale Ndërkombëtare mund të lëshojë urdhër-arreste për akuzat që lidhen me luftën në Gaza.
Në përgjigje të raporteve të medias izraelite, ICC-ja mund të publikojë së shpejti urdhrat për zyrtarët e lartë izraelitë, ministri i jashtëm i vendit paralajmëroi ambasadat izraelite që të forcojnë sigurinë për shkak të rrezikut të një “vale të ashpër antisemitizmi”.
“Ne presim që gjykata të përmbahet nga lëshimi i urdhër-arresteve kundër zyrtarëve të lartë politikë dhe të sigurisë izraelite. Ne nuk do të përulim kokën apo të pengohemi dhe do të vazhdojmë të luftojmë”, tha Israel Katz.
ICC mund të akuzojë individë për krime lufte, krime kundër njerëzimit dhe gjenocid dhe po heton si sulmin e Hamasit të 7 tetorit ashtu edhe sulmin shkatërrues ushtarak të Izraelit në Gaza, i cili tani është në muajin e tij të shtatë.
ICC po shqyrton gjithashtu urdhër-arrestet për liderët në Hamas.
Netanyahu tha të premten çdo vendim i ICC-së do të përbënte një precedent të rrezikshëm, por nuk do të ndikonte në veprimet e Izraelit.
