Shefja e politikës së jashtme të Bashkimit Evropian, Kaja Kallas, ka shprehur shqetësim të thellë për ndryshimet që po ndodhin në rendin ndërkombëtar, të nxitura nga Kina, Rusia, Koreja e Veriut dhe Bjellorusia.
“Shikoni samitin e fundit të Organizatës së Bashkëpunimit të Shangait (SCO) – këto shtete po kërkojnë të rivendosin një rend botëror ku pushteti dhe forca përcaktojnë gjithçka”, u shpreh Kallas në një intervistë për median gjermane RND.
Ajo theksoi se Bashkimi Evropian duhet të veprojë me shpejtësi dhe unitet, për të ruajtur rolin e tij si një aktor i besueshëm gjeopolitik.
