Ministri i Jashtëm i Turqisë, Hakan Fidan, deklaroi se pa ndalur Izraelin, paqja në rajon nuk mund të arrihet. Ai theksoi se sulmet ajrore të Izraelit më 18 mars treguan qartë se Izraeli ka një agjendë shumë më të gjerë.
Grupi i Kontaktit për Gazën i Organizatës së Bashkëpunimit Islamik dhe Ligës Arabe u mblodh në Egjipt, ku Hakan Fidan mbajti një fjalim të rëndësishëm.
“Sulmet ajrore të 18 marsit zbuluan agjendën më të gjerë të Izraelit”
Fidan deklaroi:
“Ndërsa ne jemi mbledhur këtu sot, gjenocidi, dëbimet me forcë dhe apartheidi vazhdojnë. Sulmet ajrore të 18 marsit zbuluan qartë se Izraeli ka një agjendë shumë më të gjerë. Pengimi i ndihmave humanitare dhe sulmet ndaj territoreve të Sirisë dhe Libanit janë dëshmi e qëllimeve ekspansioniste të Izraelit.”
“Pa u ndalur Izraeli, paqja nuk është e mundur”
Ai theksoi se:
“Pa u ndalur Izraeli, paqja në rajon nuk është e mundur. Qëllimi ynë kryesor duhet të jetë ndalimi i shkatërrimit në Gaza dhe vendosja e një armëpushimi të përhershëm. Presioni ndaj Izraelit duhet të shtohet. Duhet të përdorim platforma si OKB-ja për të arritur një armëpushim urgjent dhe afatgjatë. Plani i Egjiptit për Gazën, i mbështetur nga të gjitha vendet e OBIs, ofron një kornizë konstruktive. Duhet të ecim përpara mbi këtë bazë.”
