Fituesja e Çmimit Nobel për Paqen, Maria Corina Machado, tha se mbështet sulmet e presidentit amerikan Donald Trump mbi anijet në Detin e Karaibeve , duke ia hedhur fajin për vdekjet nga sulmet ajrore amerikane drejtpërdrejt presidentit të Venezuelës, Nicolas Maduro.
“Ne kemi kërkuar prej vitesh që bashkësia ndërkombëtare të ndërpresë burimet që vijnë nga trafiku i drogës dhe aktivitete të tjera kriminale”, tha Machado.
“Më në fund, kjo po ndodh”, shtoi ajo.
“Këto vdekje janë përgjegjësi e Nicolas Maduros”, vazhdoi Machado.
“Ai dhe pjesa tjetër e karteleve të drogës në pushtet në Venezuelë duhet t’i ndalojnë këto aktivitete në mënyrë që të parandalojnë më shumë vdekje.”
Bëhet e ditur se administrata Trump ka kryer sulme me anije kundër shumë anijeve në Detin e Karaibeve dhe në Paqësorin Lindor, duke synuar “narko-terroristët” që trafikojnë drogë në SHBA.
Disa nga këto sulme kanë ndodhur në brigjet e Venezuelës.
Si demokratët ashtu edhe republikanët kanë hedhur dyshime mbi ligjshmërinë e sulmeve.
Ndryshe, Machado — një kritike e ashpër e qeverisë së Maduros — fitoi Çmimin Nobel për Paqen në fillim të këtij muaji.
Ajo falënderoi Trumpin në fjalimin e saj të pranimit të çmimit, duke e lavdëruar atë për “mbështetjen vendimtare” të demokracisë në Venezuelë.
