Finlanda e Edon Maxhunit bën histori, kalon në gjysmëfinale të Eurobasket për herë të parë

Finlanda ka shkruar historinë duke u kualifikuar për herë të parë në gjysmëfinale të Eurobasket, pas një fitoreje të madhe ndaj Gjeorgjisë në Riga.

Ekipi i Lassi Tuovi dominoi që nga fillimi, duke shënuar 57 pikë në pjesën e parë dhe duke krijuar një epërsi prej 20 pikësh. Lauri Markkanen (17 pikë) dhe Mikael Jantunen (19) ishin vendimtarë, ndërsa Sasu Salin ndezi lojën me gjuajtjet e tij të sakta nga vija e trepikëshit.