Ambasada Amerikane në Kosovë, po vazhdon të publikojë, pjesë të rëndësishme nga intervista e të dërguari amerikan për Ballkanin Perëndimor, Gabriel Escobar. Ai ka theksuar edhe njëherë se në qendër të diskutimeve dhe negociatave duhet të jetë integrimi europian për të të gjitha shtetet e Ballkanit Perëndimor. Gjithashtu ka theksuar se pozicioni i SHBA nuk ka ndryshuar kurrë që njohja duhet të ndodhë, shkruan Gazeta Metro.
Duke folur për Radio Europen e Lirë, Escobar ka theksuar se të gjitha vendet e rajonit duhet të kenë marrëdhënie të qëndrueshme. Si dhe njohja e plotë e së drejtës së të gjitha shteteve për të ekzistuar, e pavarësisë dhe sovranitetit të tyre.
Ai gjithashtu ka thënë se pozicioni i SHBA’së nuk ka ndryshuar kurrë, dhe se njohja duhet të ndodhë.
“Në qendër duhet të jenë integrimet evropiane për të gjitha shtetet e Ballkanit Perëndimor. Në këtë kontekst, një marrëdhënie e mirë, marrëdhënie e qëndrueshme mes të gjitha shteteve të rajonit. Dhe në fund, njohja e plotë e së drejtës së të gjitha shteteve për të ekzistuar, e pavarësisë dhe sovranitetit të tyre. Pozicioni ynë nuk ka ndryshuar kurrë në këtë aspekt, që njohja duhet të ndodhë. Megjithatë, sekuenca e hapave dhe mënyra se si arrijmë deri aty është diçka që duhet të diskutohet në kuadër të dialogut. Qëndrimi ynë është se shtetet e këtij rajoni – në mënyrë që gjithë rajoni të ecë përpara – duhet të kenë marrëdhënie të barabarta, të respektueshme dhe paqësore me njëra-tjetrën”, ka thënë ai ndër të tjera.
I pyetur se a bëhet fjalë për njohje reciproke?
I dërguari amerikan për Ballkanin Perëndimor, Gabriel Escobar ka theksuar se absolutisht që po./gazetametro.net
