Futbollistët e Al Hilal arritën një sukses të madh duke u kualifikuar në çerekfinale të Kampionatit Botëror të Klubeve, pas eliminimit dramatik të Manchester Cityt me rezultatin 4:3 pas kohës shtesë.
Ekipi nga Arabia Saudite, i drejtuar nga trajneri italian Simone Inzaghi, triumfoi ndaj njërit prej klubeve më të mëdha evropiane, duke shkaktuar eufori në dhomat e zhveshjes dhe te tifozët.
Kamerat regjistruan gjithçka
Sheiku i Al Hilalit u shfaq në dhomën e zhveshjes menjëherë pas ndeshjes për të motivuar dhe shpërblyer më tej skuadrën. Çdo lojtar i Al Hilalit u nderua me nga pesë milionë euro, gjë që gëzoi stafin teknik dhe futbollistët.
Kjo shpërblim i jashtëzakonshëm tregon qartë se klubi dhe udhëheqja shtetërore e Arabisë Saudite janë të fokusuar në promovimin e sportit, veçanërisht përmes investimeve në futboll.
Në çerekfinale të Kampionatit Botëror të Klubeve, Al Hilal do të përballet me Fluminense-n brazilian, kampionin aktual të Amerikës së Jugut.
