Afër Slavonski Brodit dhe kufirit me Bosnjë e Hercegovinën, në fshatin Donji Andrijevci, ndodhi një aksident i rëndë rrugor kur një kamion u përplas nga një tren.
Aksidenti ndodhi pak pas mesditës, dhe sipas policisë një person humbi jetën nga plagët e marra.
Për aksidentin reagoi edhe Hekurudha Kroate (HŽ Infrastruktura):
“Sot, më 1 korrik 2025, në orën 12:01, pranë stacionit hekurudhor Andrijevci, një kamion u përplas me trenin e pasagjerëve në një kalim hekurudhor-rrugor të pajisur me sinjalizim dritë-zë, i cili ishte në funksion. Në aksident ka pasur të lënduar. Trafiku është ndërprerë në të dy binarët midis Andrijevcit dhe Garçinit. Treni, me rreth 30 pasagjerë, ka zbritur nga shinat. Ai po udhëtonte në relacionin Novska–Tovarnik. Të gjitha shërbimet janë në vendngjarje dhe është në vijim hetimi i policisë.”
Trafiku hekurudhor mbetet i ndërprerë në të dy binarët midis Andrijevcit dhe Garçinit.
