Në një intervistë me gazetën amerikane, Zelensky tha se nëse Ukraina nuk merr ndihmën e premtuar ushtarake nga SHBA, forcat e saj do të duhet të tërhiqen “me hapa të vegjël”.
“Nëse nuk kemi mbështetje të SHBA-së, do të thotë se ne nuk kemi mbrojtje ajrore, nuk kemi raketa Patriot, nnuk kemi predha artilerie 155 mm”, tha ai.
“Do të thotë se do të tërhiqemi, hap pas hapi, me hapa të vegjël. Ne po përpiqemi të gjejmë një mënyrë për të mos u tërhequr”, tha ai.
Joe Biden i ka kërkuar Dhomës së Përfaqësuesve të kontrolluar nga republikanët të miratojë paketën e ndihmës ushtarake dhe financiare, por Kryetari i Dhomës së Përfaqësuesve Mike Johnson e ka mbajtur këtë çështje për muaj të tërë, duke përmendur prioritetet e brendshme.
Zelensky i tha presidentit amerikan në një bisedë telefonike të enjten se miratimi i paketës ishte jetik.
Forcat ruse pushtuan qytetin lindor të Avdiivka muajin e kaluar dhe kanë bërë fitime të vogla që atëherë, por vijat e frontit kanë ndryshuar pak në muaj.
Në intervistën e tij, presidenti ukrainas tha se Ukraina po kompensonte mungesat e raketave me armë të prodhuara në shtëpi dhe sisteme të mbrojtjes ajrore, “por kjo nuk mjafton”.
