Me fillimin e vitit të ri, WhatsApp sjell ndryshime të reja. Është njoftuar se disa telefona të vjetër të mençur nuk do të mund ta përdorin aplikacionin nga viti 2025. Bëhet fjalë për 70 modele të telefonave Android dhe tre modele iPhone. Telefonat e prekur nga këto ndryshime janë mjaft të vjetër, prandaj ka gjasa që përdoren nga një numër relativisht i vogël njerëzish.
Bëhet fjalë për modele mjaft të vjetra
Azhurnimi i parë për përputhshmërinë e WhatsApp-it do të ndodhë më 1 janar 2025 dhe do të prekë 70 telefona Android, sipas zhvilluesit Selva Ganesh nga Android Infotech. Ky azhurnim do të thotë që përdoruesit e sistemit operativ Android KitKat, i publikuar në vitin 2013, nuk do të mund ta përdorin më WhatsApp-in.
Më poshtë gjeni listën e telefonave që nuk do të mbështesin më WhatsApp-in:
Samsung
- Galaxy Note 3
- Galaxy S4 (I9500, I9505, I9506)
- Galaxy S4 Active I9295
- Galaxy S4 mini I9190
- Galaxy S4 zoom
- Galaxy J
- Galaxy Mega 6.3 I9200
Sony
- Xperia Z
- Xperia Z Ultra
- Xperia Z1
- Xperia ZL
HTC
- One
- One Max
- One mini
LG
- G2
- G Flex
- Nexus 5
- Optimus G Pro E985
Motorola
- DROID Maxx
- DROID Ultra
- Moto G
- Moto X
Huawei
- Ascend Y300
NEC
- Terrain
Casio
- G’zOne CA-201L
Cat
- B15
Vertu
- Ti
Ndryshimet për iPhone
Më 5 maj 2025, WhatsApp gjithashtu nuk do të funksionojë më në disa iPhone me versione të vjetra të iOS-it, më të hershme se iOS 15.1, sipas Qendrës së Ndihmës së WhatsApp-it.
Edhe pse disa përdorues mund ta azhurnojnë iOS-in e pajisjeve të tyre, modelet iPhone 5s, iPhone 6, dhe iPhone 6 Plus, të cilat mund të përditësohen vetëm deri në iOS 12.5.7, nuk do të mund ta përdorin më WhatsApp-in pas këtij afati.
