Mario Draghi do të jetë kryeministri në detyrë i Italisë. Ai është mandatuar nga Presidenti Sergio Mattarella. Mediat italiane shkruajnë se Mario Draghi e ka pranuar me rezerva ngritjen e qeverisë, pasi do të konsultohet me partitë në parlament.
Ai u takua me presidentin e Italisë, Sergio Mattarella, ku iu kërkua të formonte një qeveri që të zgjidhte krizën politike që është krijuar dhe të menaxhonte pandeminë.
Ky lajm është pritur mirë në tregjet financiare.
Kush është Mario Draghi
Draghi ka qenë si president i Bankës Qendrore Evropiane për tetë vjet dhe ishte në krye gjatë një prej momenteve më të mprehta në historinë e zonës së euros.
Kriza e borxhit sovran hodhi dritë se sa të dobëta ishin financat publike në vende të caktuara dhe kjo ngjalli shqetësime se rajoni me 19 anëtarë do të shpërbëhej.
Ndërsa tensionet u përshkallëzuan, Draghi përdori një fjalim në Londër në 2012 për të siguruar lojtarët e tregut që BQE do të bënte “gjithçka që duhet” për të ruajtur stabilitetin e zonës së euros.
Draghi më pas do të merrte politikën monetare në territorin e pashkruar në rajon, duke futur norma negative interesi dhe lehtësim sasior. Të dy instrumentet e politikës janë ende në fuqi.
