Tensionohet situata në Kuvend, Driton Selmanaj: Zoti ka me ua kthy!

Diskutimi për të pagjeturit në Kuvendin e Kosovës po përcillet me tensione të mëdha në mes të qeverisë dhe partive opozitare. Derisa kryetari i Qeverisë, Avdullah Hoti, nuk gjendet aty, përgjigje kritikave të opozitës po iu përgjigjet i vetëm zëvendësi i Hotit, Driton Selmanaj.

Deputetët e Lëvizjes Vetëvendosje kanë bërë përpjekje për të ndalur fjalimin e Selmanajt duke bërë zhurmë të madhe në sallën e Kuvendit

“Pom vjen marre prej juve. E lexoi veç atë qe i konvenoj asaj”, ka thënë Selmanaj për një deklaratë të deputetes së Vetëvendosjes, Saranda Bogujevcit, e cila lexoi disa fjalë të zv.kryeministrit rreth të pagjeturve.

Selmanaj është përplasur edhe me Arbërie Nagavcin. Derisa kjo e fundit i ka kërkuar Selmanajt të ulet në vendin e tij.

“Ulu, kontrolloje veten”, ka thënë Nagavci.

Më pas deputetët kanë rrahur tavolinat si protestë gjatë fjalës së Selamajt.

“zoti ka me ua kthy”, ka thënë Selmanaj mes zhurmës e brohoritjeve në Kuvend, transmeton Gazeta Express.

Fillimisht, Selamanaj është përplasur me Uran Ismailin e PDK’së, pasi ai ka pyetur pse kryeministri Avdullah Hoti injori seancën ku po flitet për të pagjeturit.

Selamanaj e arsyetoi kryeministri është në një takim virtual me presidentin francez, Emmanuel Macron.

Kategoritë
LajmeVendi

Të ngjajshmet