Memorandumi i mirëkuptimit i nënshkruar midis dy vendeve gjithashtu përfshin plane për të bashkë-prodhuar infrastrukturën e avionit në Spanjë.
Spanja ka nënshkruar një pakt me Turqinë për të importuar avionë HURJET, respektivisht avionin e parë turk për trajnime dhe sulme të lehta, të prodhuar nga Industria Hapësinore Turke (TAI), raporton Anadolu.
Memorandumi i mirëkuptimit i nënshkruar midis dy vendeve gjithashtu përfshin plane për të bashkë-prodhuar infrastrukturën e avionit në Spanjë.
Zv/ministrat turq të Mbrojtjes, Musa Heybet dhe Şuay Alpay, ambasadorja turke në Madrid, Nüket Küçükel Ezberci, drejtori i përgjithshëm i kompanisë turke TAI, Mehmet Demiroğlu, drejtori i përgjithshëm i Spanjës për Strategjinë dhe Inovacionin Indsutrial të Mbrojtjes, Miguel Ivorra, si dhe zyrtarë të tjerë morën pjesë në ceremoninë e nënshkrimit në Madrid.
“Sot është një ditë shumë e rëndësishme. Sot, Turqia e ka demonstruar edhe një herë forcën e saj në aviacionin mbrojtës të gjithë botës”, tha Alpay për Anadolu.
Duke theksuar se me një produkt të vlefshëm si HURJET u ndërmorën hapa konkrete, në vend të vetëm sloganeve apo pritjeve, ai tha se, “Sot u nënshkrua një memorandum këtu dhe e gjithë bota e pa këtë. Ky është vetëm fillimi. Ne duhet të vazhdojmë me kujdes dhe ndjeshmëri.”
Ai theksoi se HURJET është një projekt i zhvilluar me burime kombëtare.
“Kjo është vërtet një ditë e veçantë dhe e vlefshme për Turqinë, Spanjën dhe Evropën. Duke vlerësuar zhvillimet globale, të gjithë e kanë parë tashmë se Evropa nuk mund të ecë përpara pa Turqinë. Marrëveshja e sotme është një shenjë konkrete e kësaj. Duhet të shihet si një sinjal i fortë”, tha Alpay.
“Pa Turqinë, siguria e Evropës është në rrezik dhe nën kërcënim. Të gjithë e dinë shumë mirë këtë”, shtoi ai, duke theksuar potencialin e Turqisë që vjen nga potenciali dhe përgjegjësia e saj historike.
Duke theksuar natyrën kritike të Spanjës si anëtare e NATO-s dhe BE-së, Alpay tha se kjo e bën marrëveshjen HURJET edhe më domethënëse.
“Kushtet dhe zhvillimet gjeopolitike të sotme kanë treguar edhe një herë se sa e rëndësishme dhe e fortë është pozicioni i Turqisë në aspektin e potencialit të saj”, u shpreh ai.
