Shefi i Shtabit të Përgjithshëm të Ushtrisë Izraelite, Eyal Zamir, vizitoi dje trupat izraelite dhe deklaroi se ushtria do të mësojë në ditët në vijim detyrat e reja në rast se dështojnë bisedimet për shkëmbimin e të kapurve.
Sipas mediave izraelite, eprorët nuk janë të kënaqur me mënyrën e drejtimit të luftës në Gaza, sepse nuk marrin detyra të qarta për shkak të ngecjes së negociatave për shkëmbimin e të kapurve.
Izraeli ka shqyrtuar mundësinë e aneksimit të pjesëve të Gazës për të ushtruar presion mbi Hamasin që të lirojë të kapurit, por ende nuk është marrë ndonjë vendim.
Negociatat për shkëmbimin e të kapurve janë bllokuar që nga java e kaluar, kur Izraeli dhe SHBA-ja tërhoqën negociatorët e tyre nga Doha, të pakënaqur me përgjigjen e Hamasit ndaj propozimit më të fundit për një marrëveshje të pjesshme për shkëmbim.
Marrëveshja në tavolinë parashihte lirimin e vetëm 28 nga 50 të kapurit gjatë një armëpushimi dy mujor. Të mbijetuarit do të liroheshin më tej vetëm nëse Izraeli dhe Hamasi arrijnë një marrëveshje për kushtet e një pezullimi të përhershëm të armëpushimit brenda atyre 60 ditëve.
