“Siria gjithashtu duhet të vazhdojë të punojë për t’u bërë një vend i qëndrueshëm në paqe dhe veprimet e sotme do ta vendosin vendin në një rrugë drejt një të ardhme të ndritshme, të begatë dhe të qëndrueshme”, tha Bessent
Departamenti i Thesarit ka bërë të ditur se SHBA-ja ka lëshuar një licencë të përgjithshme që ofron lehtësim të menjëhershëm të sanksioneve për Sirinë, transmeton Anadolu.
Në njoftimin e departamentit amerikan thuhet se ashtu siç premtoi presidenti Donald Trump, “Departamenti i Thesarit dhe Departamenti i Shtetit po zbatojnë autorizimet për të inkurajuar investime të reja në Siri”.
“Siria gjithashtu duhet të vazhdojë të punojë për t’u bërë një vend i qëndrueshëm në paqe dhe veprimet e sotme do ta vendosin vendin në një rrugë drejt një të ardhme të ndritshme, të begatë dhe të qëndrueshme”, tha Scott Bessent, sekretar i Thesarit.
Gjatë një vizite në Lindjen e Mesme javën e kaluar, presidenti Trump tha se do të urdhërojë heqjen e sanksioneve “brutale dhe gjymtuese” të SHBA-së ndaj Sirisë për t’i dhënë vendit një “mundësi për madhështi”.
