Një xhami pothuajse 600-vjeçare u shkatërrua në kryeqytetin e Indisë. Xhamia u prish me pretekstin e heqjes së strukturave “ilegale” nga rezervati pyjor. Është e qartë se ndërtesa është shumë më e vjetër se rregulloret dhe planet urbanistike.
Aktivistët nacionalistë në Indi kohët e fundit u përpoqën të zëvendësonin disa xhami të rëndësishme me tempuj hindu. Xhamia Akhonji në Nju Delhi ishte shtëpia e 22 nxënësve të medresesë së distriktit.
Një anëtar i Komitetit të Xhematit, Mohammad Zaffar, tha se nuk kishte marrë asnjë njoftim paraprak për prishjen që ndodhi të martën mbrëma. Në ambjentet e xhamisë kishte shumë varre, për të cilat ai tha se ishin përdhosur dhe kurane dhe materiale të tjera ishin lënë në xhami.
“Shumë nga figurat tona të respektuara, duke përfshirë edhe paraardhësit e mi, janë varrosur atje. Nuk ka gjurmë të varreve të tyre. Ata morën mbetjet e xhamisë dhe varreve dhe i hodhën diku tjetër,” i tha Zaffar AFP.
Të enjten policia ka bllokuar rrugët para hyrjes dhe nuk ka lejuar askënd të hyjë në vend.
Masjid Akhonji, a 600 year old mosque in Mehrauli, was razed down by authorities in New Delhi yesterday. Along with the mosque, a madarsa that taught local children, was also gone because India now doesn't consider monuments constructed by Muslims as their heritage. pic.twitter.com/7p0I30HG1J
— Zeyad Masroor Khan (@zeyadkhan) January 31, 2024
Javën e kaluar, kryeministri indian Narendra Modi përuroi një tempull hindu në qytetin Ayodhya, të ndërtuar në vendin e Xhamisë Babri. Xhamia u shkatërrua në vitin 1992 me nxitjen e anëtarëve të partisë së Modit, duke shkaktuar trazira që vranë 2,000 njerëz, kryesisht myslimanë.
Aktivistët hindu pretendojnë gjithashtu xhaminë e diskutueshme Gyanavapi në qytetin e Varanasit, për të cilën ata thonë se është ndërtuar në vendin e një tempulli hindu gjatë Perandorisë Myslimane Mughal.
Të enjten, adhuruesit hindu hynë në xhaminë Gyanavapi për lutje pasi një gjykatë lokale i lejoi ta bënin këtë.
Thirrjet për të konsoliduar supremacinë hinduiste në Indi janë intensifikuar që kur Modi mori detyrën në vitin 2014 dhe pakica myslimane prej rreth 210 milionë njerëz është gjithnjë e më e shqetësuar për të ardhmen e tyre.
