Në publik kanë rrjedhur informacione tronditëse për presion të drejtpërdrejtë politik ndaj kreut të futbollit botëror, lidhur me ndeshjen mes Bosnjë-Hercegovinës dhe SHBA-së.
Siç pretendon gazetari i njohur Ben Jacobs, Shtëpia e Bardhë ka hyrë në kontakt të drejtpërdrejtë me presidentin e FIFA-s, Gianni Infantino, duke kërkuar rishqyrtim urgjent të kartonit të kuq që futbollisti i kombëtares amerikane, Folarin Balogun, mori në ndeshjen kundër Bosnjë-Hercegovinës.
Edhe pse burime nga FIFA këmbëngulin se Shtëpia e Bardhë nuk ka pasur ndikim në vendimin përfundimtar dhe se Komisioni i Pavarur Disiplinor ka pasur autonomi të plotë në marrjen e vendimit, duke u thirrur në Nenin 27, koha dhe rrjedha e ngjarjeve ngjallin dyshime serioze për rregullsinë e procesit.
Menjëherë pasi FIFA zyrtarisht anuloi pezullimin, presidenti amerikan Donald Trump reagoi në rrjetin e tij social Truth Social, duke i drejtuar një falënderim të drejtpërdrejtë organit më të lartë të futbollit:
“Faleminderit FIFA-s që bëri gjënë e duhur dhe anuloi një padrejtësi të madhe!”, shkroi Trump.
