Një imazh prekës i një djali të ri nga Gaza që po shërohet nga lëndimet e luftës është emëruar Fotoja e Vitit në World Press për vitin 2025.
Portreti, i marrë nga fotografja palestineze Samar Abu Elouf për New York Times, tregon nëntë-vjeçarin Mahmoud Ajjour, i cili humbi të dy krahët në një sulm ajror izraelit në qytetin e Gazës në mars të 2024, përcjell Telegrafi.
Abu Elouf, i cili u evakuua nga Gaza në fund të vitit 2023, jeton në të njëjtin kompleks apartamentesh me Mahmoud në Doha, Katar.
Ajo ka dokumentuar jetën e disa banorëve të plagosur të Gazës, të cilët dolën për trajtim.
“Kjo është një foto që flet me zë të lartë”, tha drejtoresha ekzekutive e World Press Photo, Joumana El Zein Khoury.“Ajo tregon historinë e një djali, por edhe të një lufte më të gjerë që do të ketë ndikim për brezat”.
