Policia nis t’i largojë barrikadat e vendosura në Leposaviq

Largimi i barrikadave ka nisur disa minuta pasi Kryetari Lulzim Hetemi arriti të futej brenda objektit të komunës, në zyrën e kryetarit.

T7 publikoi më herët pamje ku shihej një automjet i Njësisë Speciale duke e goditur një kamion-barrikadë, që ishte vendosur në rrugë.

Pak minuta pasi ka hyrë kryetari i ri i Leposaviqit në objekt të komunës së Leposaviqit, aty është vendosur flamuri i Kosovës.

Hetemi, që tash është kryetar i kësaj komune, ka hyrë në objektin komunal pas tensioneve.

Policia e Kosovës arriti të shpërndajë turmën dhe të mundësojë futjen e kryetarit Hetemi në komunë.

Pak minuta para hyrjes së tij, pranë objektit të komunës janë dëgjuar të shtëna me kallashnikov.