Një grevë e punonjësve të aeroportit në Gjermani ka rezultuar në anulimin e fluturimeve në 11 qytete të mëdha të këtij vendi.
Më shumë se 1000 fluturime pritet të anulohen ose vonohen pasi stafi i aeroportit filloi një grevë njëditore në 11 aeroporte kryesore në Gjermani të enjten.
Stafi i sigurisë ndaloi punën në Frankfurt, Hamburg, Bremen, Berlin, Leipzig, Düsseldorf, Këln, Hanover, Shtutgart, Erfurt dhe Dresden pasi sindikata Verdi bëri thirrje për veprime industriale.
Greva filloi të mërkurën mbrëma në aeroportin e Këlnit/Bonnit në Gjermaninë perëndimore kur stafi i kontrollit të pasagjerëve nuk u paraqit në turnin e natës.
“Ishte një fillim i suksesshëm i grevës,” tha zëdhënësi i Verdi, Özay Tarim, duke shtuar se ai priste që më shumë se 80 për qind e fluturimeve, përfshirë mbërritjet dhe nisjet, të anuloheshin gjatë ditës.
Të gjitha nisjet u anuluan në aeroportet në Berlin, Hamburg dhe Shtutgart.
Në të njëjtën kohë, Aeroporti i Dyseldorfit anuloi vetëm një të tretën e fluturimeve të tij. Tarim tha se kompania e sigurisë atje u ofroi punëtorëve një “bonus për thyerjen e grevës” prej 200 euro për të ardhur në punë.
