Merkel flet për herë të parë rreth fitores së Bidenit

Angela Merkel ka mbajtur fjalimin e parë publik në lidhje me fitoren e Joe Bidenit.

Kancelarja gjermane e përgëzoi demokratin “me gjithë zemër”, duke thënë se ai e njeh mirë Gjermaninë dhe Evropën dhe se kishte kujtime të bukura nga takimi me të.

Ajo gjithashtu uroi Kamala Harrisin, si gruaja e parë në postin e nënpresidentes dhe shtoi se, si fëmijë i dy migrantëve, kaliforniania është “frymëzim për shumë njerëz”.

Merkel tregoi për rëndësinë e marrëdhënies së të dy vendeve dhe tha se pa mbështetjen e SHBA-së, ribashkimi gjerman i para 30 vjetëve nuk do të kishte ndodhur.

Ajo shtoi se të dy vendet duhet të qëndrojnë së bashku për të kapërcyer sfidat kryesore, të tilla, si pandemia e coronavirusit, ngrohja globale dhe terrorizmi.

Ndryshe, Joe Biden ka siguruar 290 vota elektorale kundrejt Donald Trumpit që ka 214 sosh gjersa fituesi shpallet kanidati që siguron 270 vota.

Kategoritë
BotaLajme

Të ngjajshmet