Senatori amerikan Lindsey Graham reagoi pas njoftimit të Trump për vendosjen e dy nëndetëseve bërthamore më pranë Rusisë, duke thënë se ka një mesazh për Kremlinin. Graham argumentoi se ky veprim i Trump synon paqen:
“Për miqtë e mi në Rusi: Presidenti Trump kërkon paqe, jo përplasje. Por, ju lutem, kuptoni që ai nuk është Obama e as Biden, dhe me të nuk mund të luhet. Ju keni luajtur mjaftueshëm.”
Në një intervistë për Newsmax, Trump tha se vendosja e nëndetëseve bërthamore ishte përgjigje ndaj deklaratave të ish-presidentit rus Dmitri Medvedev. “Medvedev nuk duhej të fliste për sistemin sovjetik ‘Dora e Vdekur’ (Perimeter) për sulme bërthamore emergjente. E ka bërë këtë edhe më parë. Prandaj duhet të jemi gjithmonë gati. Kam vendosur dy nëndetëse bërthamore në rajon vetëm për t’u siguruar që fjalët e tij të mbesin thjesht fjalë.”
