Shtetet e Bashkuara i kanë dorëzuar Libanit një plan për t’i hequr armatimin Hezbolahut deri në fund të vitit, duke kërkuar gjithashtu përfundimin e operacioneve ushtarake izraelite në teritorin libanez dhe tërheqjen e trupave izraelite nga pesë pozicione në jug të Libanit.
Ky propozim u prezantua nga i dërguari i presidentit amerikan Donald Trump për Lindjen e Mesme, Tom Barrack, dhe po diskutohet në mbledhjen e kabinetit qeveritar libanez.
Ministri i Informacionit të Libanit, Paul Morcos, tha pas mbledhjes se kabineti miratoi vetëm qëllimet e planit të Barrack—dhe se nuk u ndal në diskutimin e detajeve apo përbërjes së tij.
“Nuk u futëm në detaje apo komponentë të propozimit amerikan. Diskutimi dhe vendimi ynë u kufizuan tek qëllimet e tij,” tha Morcos.
Qëllimet kryesore të propozimit amerikan përfshijnë:
- Shfuqizimin graduale të pranishmërisë së armatosur të aktorëve jo-shtetërorë, përfshirë Hezbolahun.
- Vendosjen e forcave libaneze në zonat kyçe kufitare dhe brenda territorit.
- Tërheqjen e trupave izraelite nga pesë pozicione në jug të Libanit.
- Zgjidhjen e çështjes së të burgosurve përmes bisedimeve indirekte.
- Krijimin e një vijë-përfundimtare kufitare midis Libanit me Israelin dhe Sirinë.
Zëdhënësi i Departamentit të Shtetit amerikan tha se SHBA e mirëpritën vendimin e qeverisë libaneze për t’i dhënë Forcave të Armatosura Libaneze përgjegjësinë e vendosur nën kontroll shtetëror të armatimit të Hezbolahut.
