Gjatë homazheve në Kompleksin Memorial në Prekaz, avokati serb Çedomir Stojkoviq ka lënë një mesazh prekës në kujtim të Blerina Jasharit, vajzës shtatëvjeçare që humbi jetën në vitin 1998 nga forcat serbe.
“Dashuria për Blerinën nuk do të shuhet kurrë”, shkroi Stojkoviq në një shënimi në gjuhën angleze.
Stojkoviq, gjatë vizitës në Kompleksin Memorial “Adem Jashari”, u njoh më thellë me jetën dhe sakrificën e familjes Jashari.
“Qëllimi ynë është të tregojmë një rrugë të re që shpresojmë se popujt e Kosovës dhe Serbisë – dhe i tërë Ballkani – do të zgjedhin ta ndjekin”, u shpreh Stojkoviq në një fjalim në gjuhën angleze pasi vendosi lule në varrin e Blerina Jasharit.
Stojkoviq kishte njoftuar më parë për vizitën e tij në Prekaz, një veprim i cili vjen pas vizitës së politikanit serb Nikola Sandulovićq, i cili u sulmua brutalisht nga shërbimet serbe të inteligjencës pasi nderoi familjen Jashari.
