Sekretari i Këshillit të Sigurisë së Rusisë, Nikolai Patrushev pretendon se pas sulmit terrorist në sallën e koncerteve “Crocus City Hall” në Moskë, qëndron Ukraina
Sekretari i Këshillit të Sigurisë së Rusisë, Nikolai Patrushev pretendon se pas sulmit terrorist në sallën e koncerteve “Crocus City Hall” në Moskë, qëndron Ukraina, transmeton Anadolu.
Sipas agjencisë së lajmeve TASS, në pyetjen e gazetarëve në Moskë nëse pas sulmit terrorist në Moskë është organizata terroriste DEASH apo Ukraina, Patrushev u përgjigj: “Sigurisht Ukraina”.
– Sulmi terrorist i kryer ndaj sallës së koncerteve në Moskë
Në mbrëmjen e 22 marsit persona të armatosur kryen sulm terrorist në sallën e koncerteve “Crocus City Hall” në Moskë, kryeqytetin e Rusisë.
Në pamjet e ndara në median sociale, shihej se agresorët hapnin zjarr me armë automatike pa dallim ndaj të pranishmëve në sallë.
Komiteti hetimor rus njoftoi se në sulm humbën jetën 139 persona dhe se mbi 100 të tjerë u plagosën.
Presidenti i Rusisë, Vladimir Putin njoftoi arrestimin e 11 personave përfshirë edhe 4 terroristët që kryen sulmin.
