Kryeprokurori ushtarak izraelit foli për sulmin e ushtrisë izraelite në vendbanimin e refugjatëve në Rafah në jug të Gazës, në të cilin u vranë më shumë se 40 civilë dhe shumë u dogjën të gjallë si pasojë e zjarrit.
Prokurori Yifat Tomer Yerushalmi e cilësoi sulmin e ushtrisë izraelite si shumë të rëndë dhe deklaroi se hetimet janë duke vazhduar.
“Detajet janë ende nën hetim. Ne jemi të përkushtuar ta zbatojmë atë në masën më të plotë. Ushtria izraelite i vjen keq për dëmin e shkaktuar civilëve gjatë luftës”, tha prokurori.
Më herët, Forcat Mbrojtëse të Izraelit njoftuan se kishin shënjestruar një kompleks të Hamasit dhe kishin vrarë dy nga komandantët e grupit.
Megjithatë, videot nga terreni, të cilat janë jashtëzakonisht shqetësuese, treguan se si ushtria izraelite goditi një nga vendbanimet e improvizuara të tendave ku ndodheshin një numër i madh civilësh, kryesisht gra dhe fëmijë.
