“Siç kemi njoftuar më parë, çdo sulm ndaj infrastrukturës do të përballet me hakmarrje në natyrë”, tha Mohammad Bagher Zolghadr
Irani paralajmëroi sot se do të hakmerret kundër çdo sulmi në infrastrukturën e tij dhe se Izraeli do të përballet me një përgjigje, njoftoi agjencia e lajmeve Mehr, transmeton Anadolu.
“Siç kemi njoftuar më parë, çdo sulm ndaj infrastrukturës do të përballet me hakmarrje në natyrë”, tha Mohammad Bagher Zolghadr, sekretari i Këshillit të Lartë të Sigurisë Kombëtare të Iranit, në një deklaratë të transmetuar nga agjencia e lajmeve.
Izraeli, për të cilin ai tha se qëndron pas akteve të fundit armiqësore, “nuk do të jetë i sigurt nga përgjigjja”, shtoi ai.
Muajin e kaluar, Irani dhe SHBA-ja nënshkruan memorandum mirëkuptimi nën ndërmjetësimin pakistanez me synimin për t’i dhënë fund konfliktit të tyre ushtarak dhe arritjen e një marrëveshjeje të qëndrueshme paqeje.
Megjithatë, të dy palët kanë shkëmbyer sulme gjatë dy ditëve të fundit pas sulmeve iraniane ndaj tre anijeve tregtare në Ngushticën e Hormuzit.
