Sipas videove më të fundit të publikuara nga Hezbollah, një tank izraelit Merkava është goditur në Libanin Jugor nga një dron që ka arritur të anashkalojë rrjetat mbrojtëse të vendosura për mbrojtje.
Ushtria izraelite vazhdon të pësojë humbje nga sulmet me dronë të lëshuar nga Hezbollahu nga territori i Libanit. Sipas raportimeve, edhe vendosja e rrjetave mbrojtëse nuk ka arritur t’i ndalojë plotësisht këto sulme.
Sipas Israel Defense Forces, aktivitetet për vendosjen e këtyre rrjetave drejtohen nga forcat tokësore. Deri më tani ushtrisë i janë dorëzuar rreth 158.000 metra katrorë rrjeta mbrojtëse.
Njëkohësisht, është në proces edhe prokurimi i rreth 188.000 metrave katrorë shtesë, të cilat do të dorëzohen në një fazë të mëvonshme.
Nga IDF-ja theksohet se sasia e rrjetave të siguruara deri tani mbulon një sipërfaqe të barabartë me rreth 20 fusha futbolli. Kjo pajisje është pjesë e përpjekjeve për të forcuar mbrojtjen në terren ndaj kërcënimit në rritje nga dronët.
Ushtria izraelite sqaroi gjithashtu se dronët e paraqitur në fotografitë e publikuara janë përdorur në kuadër të eksperimenteve dhe testimeve të reagimit operacional në terren.
Në njoftim nuk janë dhënë detaje shtesë lidhur me vendet ku janë vendosur rrjetat mbrojtëse apo afatet e sakta të dorëzimit të dërgesave të reja.
