Forcat e Hezbollahut kanë goditur radarin izraelit RPS-82 të sistemit të mbrojtjes kundërraketore “Kupola e Hekurt”. Sipas një videoje të publikuar nga Hezbollahu, radari është goditur nga një dron FPV i kontrolluar përmes sistemit të drejtimit optik.
Sulmet e Hezbollahut ndaj objektivave izraelite në jug të Libanit dhe në veri të Izraelit po tregojnë çdo ditë se sa e vështirë është mbrojtja kundër dronëve FPV.
Forcat e Hezbollahut kanë intensifikuar sulmet kundër lëshuesve dhe komponentëve të sistemit “Kupola e Hekurt”, ku të paktën dy lëshues janë goditur.
Humbja më e fundit është radari i paralajmërimit të hershëm RPS-82, i cili ka për detyrë mbledhjen e të dhënave për objektivat ajrore që lëshohen drejt Izraelit.
Ky radar ka një rol kyç në funksionimin e sistemit “Kupola e Hekurt”, pasi është përgjegjës për zbulimin e objektivave dhe përcjelljen e tyre tek ekipet që operojnë sistemin.
Gjithashtu, Hezbollahu kohët e fundit ka filluar të përdorë dronë FPV edhe për sulme gjatë natës, gjë që përfaqëson zhvillimin më të ri të kapaciteteve të tij ushtarake dhe paraqet një sfidë të madhe për forcat izraelite.
