Kryetari i Komunës së Prizrenit, Mytaher Haskuka ka vizituar kompleksin memorial të dëshmorëve në Landovicë, shkruan Gazeta e Re
Gjatë vizitës ai së bashku me Drejtorin e Ubranizmit, Beni Kizolli dhe Drejtoreshën e Turizmit, Sevil Kazaz kanë inspektuar punimet që po bëhen për renovimin e tërësishëm të këtij objekti, i cili do të shndërrohet në Muzeun e Dëshmorëve të Ushtrisë Çlirimtare të Kosovës.
Në këtë muze do të ekspozohen fotografitë, uniformat, armët e kujtimet e ndryshme e luftës së heronjve të UÇK-së ku do të dokumentohen edhe krimet e ushtrisë serbe në Kosovë
“Sakrifica e tyre na solli lirinë, prandaj luftëtarët e UÇK-së duhet dhe do të mbeten të paharruar” ka thënë Haskuka./Gazetaere