Ish-presidenti i vendit, Hashim Thaçi ka arritur tashmë në Skenderaj.
Hashim Thaçi erdhi në Skenderaj në ditën e tretë të ngushëllimeve që po bëhen tek familja Thaçi me rastin e ndarjes nga jeta të kryefamiljarit Haxhi Thaçi.
Dhomat e Specializuara në Hagë ia pamundësuan ardhjen në varrimin e babait, ndërsa sot Thaçi u soll nën përcjellje të forcave të shtuara të policisë në Skenderaj.
Me të arritur nga Haga në Skenderaj, Thaçi është ndaluar tek varrezat ku edhe ka vendosur kurora lulesh e është përkulur para varrit të babait tashmë të ndjerë, raporton lajmi.net.
Thaçi është ndaluar tek varrezat pasi atij iu pamundësua ardhja në varrimin e babit të hënën.
Forca të shumta policore të huaja po përcjellin nga afër me siguri të shtuar ardhjen e Thaçit në Kosovë./Lajmi.net/
