Grupi palestinez Hamas lëshoi një deklaratë duke theksuar se raportet e mediave izraelite ekspozuan gënjeshtrat e qeverisë.
“Mediat izraelite raportojnë se një helikopter izraelit hapi zjarr ndaj vizitorëve në festivalin muzikor Nova më 7 tetor, konfirmojnë se Izraeli ka shpikur gënjeshtra për të justifikuar gjenocidin dhe zhvendosjen nga Gaza”, tha Hamasi në një deklaratë.
Ai shton se çfarë është publikuar nga mediat izraelite, duke konfirmuar se helikopteri ka hapur zjarr më 7 tetor.
“Kjo dëshmon pa mëdyshje se qeveria okupatore ka shpikur gënjeshtra dhe tregime të rreme për ngjarjet e asaj dite”, thuhet në deklaratë.
Ai shtoi se kjo është bërë “për të justifikuar aktet e vrasjeve dhe gjenocidit të kryera nga forcat pushtuese me qëllim të zhvendosjes së palestinezëve nga toka dhe shtëpitë e tyre”.
Hamasi konsideroi se gjetjet e hetimit minojnë të gjitha “pretendimet dhe narrativat zyrtare sioniste, të cilat promovuan shumë gënjeshtra, duke përfshirë gënjeshtrën e vrasjes së fëmijëve dhe prerjes së kokave të tyre, të cilat pushtimi nuk mund ta provonte, si dhe djegien e civilëve”.
