Gjenerali i ri amerikan që udhëheq operacionet ushtarake të NATO-s, Alexus Grynkewich, tha në ceremoninë e marrjes së detyrës se kërcënimet me të cilat përballet NATO po bëhen gjithnjë e më të ndërlikuara.
“Sfida me të cilat përballet aleanca dhe partnerët tanë bëhen gjithnjë e më të komplikuara. Kërcënimet janë më të përziera, por asnjëra nuk mund të krahasohet me unitetin, vendosmërinë dhe qëllimin e përbashkët që shoh brenda NATO-s,” deklaroi ai.
Ai shtoi se synon të ruajë dinamikën e krijuar nga paraardhësi i tij, gjenerali Christopher Cavoli, në transformimin e komandës së operacioneve të aleancës.
Grynkewich i bëri thirrje aleatëve të jenë gati për të mbrojtur vendet e tyre.
Gjenerali Cavoli e përshkroi pasardhësin e tij si “oficerin që na nevojitet këtu dhe tani”.
“Ai do të udhëheqë Aleancën drejt të ardhmes së saj, një të ardhme që e dimë se do të jetë e rrezikshme. E dimë se fokusi do të jetë mbrojtja kolektive, dhe kjo e ardhme do të na sfidojë të ngrihemi në lartësitë që mund t’i arrijmë së bashku,” tha Cavoli.
Aleatët ranë dakord muajin e kaluar të rrisin ndarjet për mbrojtje nga 2% e GDP-së në 5% të GDP-së.
