Në ditën e parë të turneut, u prezantuan aftësitë e shqiponjave, si fluturimi deri në 500 metra dhe përshtatja me urdhrat dhe udhëzimet. Ditën e dytë, pjesëmarrësit garuan me aftësitë e gjuetisë së shqiponjave.
Në Kazakistan, ku tradita e gjuetisë së shqiponjave e vjetër tre mijë vjet, u bë kategori e sportit, u mbajt turneu tradicional i shqiponjave “Sonar-2020”, raporton Anadolu Agency (AA).
Në turneun e organizuar nga Unioni Etno Sporteve të Kazakistanit, morën pjesë në total 50 gjuetarë me shqiponja nga nëntë shtete.
Turneu, i organizuar në provincën Almaty, u zhvillua pa praninë e publikut për shkak të pandemisë së koronavirusit.
Në ditën e parë të turneut, u prezantuan aftësitë e shqiponjave, si fluturimi deri në 500 metra dhe përshtatja me urdhrat dhe udhëzimet. Ditën e dytë, pjesëmarrësit garuan me aftësitë e gjuetisë së shqiponjave.
Shqiponja me emrin Narin kapi një dhelpër për 16 sekonda dhe kështu i solli vendin e parë pronarit të saj Arman Kushkarov.
Kushkarov, i cili u zgjodh si gjuetar me shqiponja për të 12-tën herë, tha për AA se tradita e gjuetisë me shqiponja në Kazakistan ka një histori të gjatë prej tre mijë vjetësh.
“Gjuetia me shqiponja është një thirrje e shenjtë në vendin tonë. Zbutja dhe stërvitja e shqiponjave nuk është detyrë e lehtë”, tha Kushkarov, i cili ka trajnuar gjashtë shqiponja për gjah.
“Ne punojmë me dy lloje shqiponjash. Njëra është kur ne marrim shqiponjën nga foleja ndërsa është ende e vogël dhe e mësojmë atë të fluturojë, kurse mënyra tjetër është kur marrim shqiponja, nga 4 deri në 7 vjeç, nga bota e egër. Ne nuk i stërvitim këto shqiponja, por thjesht bëhemi miq me ta”.
Ai rikujton se shqiponjat bëjnë foletë zakonisht në vendet e larta.
“Kur marrim shqiponjat nga foleja e saj, shikojmë se cilat kafshë gjuan nëna e saj. Nëse gjuan kafshë të mëdha si ujku ose dhelpra, ne marrim shqiponjat e reja dhe nëse ajo gjuan kafshë të vogla si lepuj dhe breshka, atëherë ne nuk marrim shqiponjat nga ato fole”, tha Kushkarov.
Ai vuri në dukje se pasi u pranua si kategori sportive, tradita e gjuetisë me shqiponja u bë e përhapur në vend, kurse numri i gjuetarëve me shqiponja u rrit nga katër në më shumë se 400 që nga pavarësia e Kazakistanit në vitin 1991.
Presidenti i Unionit të Etno Sporteve, Rahat Jaksibay, theksoi për AA se, sipas historianëve, Kazakistani është vendi i parë në botë ku janë zbutur shqiponjat.
“Gjuetia me shqiponja është pjesë e kulturës dhe identitetit tonë. Ekziston edhe një simbol i shqiponjës në flamurin tonë”, tha Jaksibay, duke kujtuar se vetëm në Kazakistan gjuetia e shqiponjës pranohet si një sport.
“Gjuetia me shqiponja është pjesë e kulturës dhe identitetit tonë. Shqiponja gjithashtu është simbol në flamurin tonë”, tha Jaksibay, duke kujtuar se vetëm në Kazakistan gjuetia me shqiponjë pranohet si sport.
Ai theksoi se qëllimi i tyre në turne është të mbrojnë gjuetinë me shqiponja si disiplinë sportive.
“Ne gjithashtu kemi një bashkëpunim shumë të ngushtë me Konfederatën Botërore të Etno Sporteve”, tha Jaksibay në fund.
