Zyrtarët e mbrojtjes në Uashington, D.C., janë të shqetësuar për një “sulm të brendshëm” gjatë inaugurimit të presidentit të zgjedhur Joe Biden, duke nxitur FBI të kontrollojë të gjitha 25,000 trupat e Gardës Kombëtare në qytet, ka mësuar Fox News.
Në këtë drejtim, shkruan FoxNews, përcjell Telegrafi, ushtria amerikane lëshoi një deklaratë të dielën vonë ku tha se po punon me Shërbimin Sekret për të përcaktuar nëse ndonjë anëtar i shërbimit ka nevojë për “shqyrtim shtesë”.
Deklarata tha se të gjithë anëtarët e shërbimit janë të njohur me Programin e Ndërgjegjësimit dhe Kallëzimit, i cili “kërkon që personeli i departamentit të raportojë çdo informacion në lidhje me sjelljen ekstremiste të njohur ose të dyshuar që mund të jetë një kërcënim për departamentin ose SHBA-në”.
Trazirat në Capitol në fillim të këtij muaji nga të cilat mbetën pesë të vdekur dhe rezultuan me dhjetëra arrestime i shtyu zyrtarët në qytet të marrin masa drastike për të siguruar përurimin e Bidenit.
Kështu, zyrtarët rritën numrin e anëtarëve të Gardës Kombëtare të cilët do të vendosen në Uashington gjatë përurimit presidencial nga 15,000 në 20,000 të mërkurën, më shumë se tre herë numri i trupave amerikane të dislokuara aktualisht në Irak dhe Afganistan së bashku.
Sekretari i Ushtrisë Ryan McCarthy i tha AP se zyrtarët janë të vetëdijshëm për kërcënimin e mundshëm dhe ai paralajmëroi komandantët që të jenë në vëzhgim për ndonjë problem brenda radhëve të tyre kur inaugurimi të afrohet.
Ai tha se ai dhe udhëheqësit e tjerë thonë se nuk kanë parë prova të ndonjë kërcënimi dhe zyrtarët thanë se “vettingu” nuk kishte shënuar ndonjë çështje për të cilën ata ishin në dijeni.
