70 ushtarë janë kthyer në shtëpi, thonë burimet ushtarake
Finlanda njoftoi sot se ka përfunduar pjesëmarrjen e saj në operacionin kundër DEASH-it në Irak, transmeton Anadolu.
Pjesëmarrja e saj në operacionin “Inherent Resolve” (OIR) përfundoi më 31 dhjetor, thanë në një deklaratë Forcat Finlandeze të Mbrojtjes (FDF).
Forca Finlandeze e Menaxhimit të Krizave kishte 70 ushtarë në fund të operacionit dhe kontingjenti u kthye në Finlandë më 29 dhjetor, thuhet në deklaratë.
Finlanda do të vazhdojë të mbështesë dhe zhvillojë sektorin e sigurisë së Irakut, shtoi FDF-ja.
FDF-ja do të vazhdojë të marrë pjesë në misionin e NATO-s në Irak (NMI).
