Ka dështuar transferimi i sulmuesit të Kosovës, Vedat Muriqi, nga Lazio te Club Brugge.
Disa medie raportuan se Muriqi nuk i ka kaluar testet mjekësore.
Por drejtori i futbollit në Artmotion, Arlind Sadiku, ka bërë të ditur se nuk janë në pyetje testet mjekësore.
“Testet mjekësore nuk kanë qenë në pyetje, por Brugge në çastet e fundit ka ndërruar mendje”, ka shkruar Sadiku.
Kujtojmë se transferimi i Muriqit te Club Brugge u flit pas një sezoni të mirë që ai pati në Mallorca pas huazimit nga Lazio.
