SHBA ka propozuar që Bosnja dhe Hercegovina të dërgojë ushtarë në misionin ndërkombëtar të paqes (ISF) në Gazë.
Sipas propozimit, ushtarët do të angazhohen vullnetarisht dhe do të marrin pagesë të lartë.
Rezoluta 2803 e KS të OKB-së ka hapur fazën e dytë të planit, që parashikon:
– qeveri tranzitore në Gazë,
– shpërndarjen e forcave ndërkombëtare,
– tërheqjen graduale të Izraelit.
Sipas Axios, faza e dytë mund të zyrtarizohet deri në Krishtlindje.
Turqia, Egjipti, Indonezia dhe Azerbajxhani kanë konfirmuar gatishmëri për të dërguar trupa.
Propozimi për Bosnjën përfshin edhe emërimin e një oficeri në komandën e ISF-së.
Vendimi final do të merret nga Presidenca e BiH me rekomandim të Ministrisë së Mbrojtjes.
Nëse miratohet, Bosnja mund të luajë rol të rëndësishëm diplomatik në zbatimin e planit për paqe në Gazë.
