Sekretari amerikan i Mbrojtjes Lloyd Austin thotë se nuk ka asnjë indikacion se Hamasi po planifikon një sulm ndaj trupave amerikane në Gaza, por shton se po merren masat e duhura për të garantuar sigurinë e personelit ushtarak.
“Unë nuk diskutoj inteligjencën, por nuk shoh ndonjë tregues për momentin se ka një qëllim aktiv për të sulmuar,” tha Austin në një konferencë shtypi.
Ai shtoi se është i vetëdijshëm se një sërë gjërash mund të ndodhin në një zonë luftimi.
Ushtria amerikane ndërtoi një skelë detare për të përshpejtuar rrjedhën e ndihmave humanitare në Gaza, e cila do të hapej brenda pak ditësh.
