Presidenti i Shteteve të Bashkuara të Amerikës (SHBA), Donald Trump, është krenuar me një dhuratë të re unike që e ka marrë në Emiratet e Bashkuara Arabe (EBA).
Vendet e Lindjes së Mesme janë sërish të hapura dhe bujare ndaj Trumpit, kështu që kjo është vetëm një nga dhuratat e shumta me vlerë që i janë dhënë presidentit amerikan.
Megjithatë, Trump vendosi të bëjë një shaka me dhuratën e re – një kuti që përmbante vetëm një pikë nafte.
“Kjo është nafta më cilësore në planet, por ma dhanë vetëm një pikë,” tha Trump duke qeshur.
Administrata e presidentit Donald Trump po përgatitet të pranojë një avion Boeing 747-8 nga familja mbretërore e Katarit, me një vlerë të vlerësuar prej 400 milionë dollarësh.”
Udhëheqësit e EBA-ve, një nga prodhuesit më të mëdhenj të naftës në botë, kishin deklaruar në vitin 2015 se kjo shtet do të festojë “fuçinë e fundit të naftës” pas 50 vjetësh.
“Nafta është një burim i kufizuar dhe për këtë arsye duhet të ndërtojmë planet tona të së ardhmes mbi këtë supozim,” kishin thënë ata.
Nafta përbën rreth 60% të të ardhurave shtetërore dhe më pak se 30% të PBB-së, që është shumë më pak krahasuar me vendet fqinje të Gjirit Persik të pasura me naftë.
