Ndërsa shumica e njerëzve tejkalojnë infeksionin COVID-19 shumë shpejt ose pa asnjë simptomë, disa ndiejnë efektet e infeksionit për muaj, edhe pse simptomat e tyre të para ishin të moderuara apo edhe të lehta.
Ekspertët e quajnë “sindroma post-COVID” dhe ndodh më shpesh te të moshuarit, por ka gjithnjë e më shumë shembuj të njerëzve më të rinj me COVID të gjatë.
“Edhe njerëzit e rinj, të shëndetshëm në disa raste përjetojnë simptoma për javë ose muaj pas infektimit”, paralajmërojnë ekspertët e Klinikës britanike Mayo.
Kjo është arsyeja pse ata përpiluan një listë të simptomave të zakonshme që tregojnë se ju keni kapërcyer COVID.
Ju ndjeheni të lodhur
Sipas Klinikës Mayo, kjo është një nga simptomat më të zakonshme te njerëzit që vuajnë nga COVID i gjatë. Ndryshe nga lodhja e zakonshme që ndjeni normalisht, kjo është përshkruar më shumë si një “kolaps i trupit”, dhe pacientët që e ndiejnë atë kanë probleme të ngrihen nga shtrati ose të shkojnë në punë sa më shumë që të munden.
Ju humb frymën
Gulçimi është gjithashtu një nga simptomat themelore të COVID, dhe në rastet e COVID-it të gjatë, ndërlikimet zgjasin për një kohë shumë të gjatë. Ekziston një mundësi që ju të keni kaluar pneumoni e cila lë shenja në ind dhe më vonë shkakton probleme të frymëmarrjes.
Kollitja
Kolla e thatë është një nga simptomat e koronavirusit, dhe shumë që kanë kapërcyer COVID raportojnë se kolla zgjat me muaj. Kjo mund të jetë pasojë e dëmtimit të mushkërive, të cilën patjetër duhet ta kontrolloni nëse keni kaluar COVID pa simptoma.
Dhimbje të kyçeve
Mjekët në Klinikën Mayo shpjegojnë se dhimbja e kyçeve ndodh si rezultat i proceseve inflamatore dhe COVID dihet se shkakton procese të ndryshme inflamatore në trup.
Dhimbje gjoksi
Ndërsa koronavirusi sulmon kryesisht sistemin e frymëmarrjes, dhimbja në gjoks mund të ndodhë për ca kohë pas infektimit. Për shkak të tregimit të asaj simptome, patjetër që duhet të vizitoni një mjek.
Dhimbje të muskujve dhe dhimbje koke
Dhimbjet e muskujve mund të jenë një shenjë që trupi juaj po lufton një infeksion, edhe nëse nuk jeni në dijeni të tij. Sa për dhimbjet e kokës, kishte një rast të një pacienti me koronavirus i cili ndjeu dhimbje koke për muaj në fazën post-COVID.
Rrahje zemre
Nëse ndieni që zemra juaj rrah shpejt, edhe pse mund të jetë pasojë e stresit dhe problemeve të tjera shëndetësore, mund të jetë gjithashtu një simptomë e COVID. Një studim zbuloi se rreth 78% e pacientëve që mbijetojnë COVID-19 ende kanë “probleme të zemrës” pas shërimit.
Humbja e nuhatjes ose shijes
Humbja e nuhatjes ose shijes është një nga simptomat e para të koronavirusit. Fatkeqësisht, pacientët shpesh e ndiejnë atë për një kohë të gjatë pas shërimit.
Probleme me kujtesën, përqendrimin dhe gjumin
Për shkak se koronavirusi sulmon sistemin neurologjik, këto janë probleme të zakonshme që kanë pacientët.
Skuqje ose rënie e flokëve
Kjo është një nga simptomat më të çuditshme të COVID-it të gjatë. Skuqja më së shpeshti ndodh në duar dhe këmbë, dhe disa kanë pasur probleme me humbjen e flokëve.
Nëse ndjeni ndonjë nga këto simptoma për një kohë të gjatë, telefononi mjekun tuaj dhe kryeni një test serologjik për të kontrolluar nëse keni pasur COVID-19.
