– Numri i ushtarëve izraelitë të vrarë që nga marsi është rritur në 41, sipas mediave izraelite.
Ushtria izraelite njoftoi vdekjen e një komandanti njësie nga Brigada Golani gjatë luftimeve në qytetin Khan Younis, në jug të Gazës, transmeton Anadolu.
Në një deklaratë zyrtare, ushtria e identifikoi ushtarin si Kapiten Reei Biran, 21-vjeç, i cili shërbeu si komandant ekipi në njësinë elitë. Ushtria tha se Biran u vra të enjten në operacionet luftarake në jug të Gazës.
Njoftimi vjen dy ditë pasi ushtria konfirmoi vdekjen e rreshterit të parë, Abraham Azulay, një rezervist dhe inxhinier ushtarak, gjithashtu i vrarë gjatë përleshjeve në Khan Younis.
Ndërsa ushtria izraelite nuk dha detaje të mëtejshme rreth natyrës së operacionit të së enjtes ose nëse kishte viktima të tjera, gazeta izraelite “Yedioth Ahronoth” tha se incidenti ndodhi gjatë një misioni shkatërrimi të Brigadës Golani në Khan Younis.
Sipas të përditshmes, një shpërthim pranë njërës prej ndërtesave të synuara çoi në vdekjen e ushtarakut Biran.
Që nga përfundimi i armëpushimit më të fundit në mars, 41 ushtarë izraelitë janë vrarë në Gaza, duke e çuar numrin total të vdekjeve të ushtarëve izraelitë që nga fillimi i luftës më 7 tetor 2023 në 890, përfshirë 448 të vrarë gjatë operacioneve tokësore, thuhet në lajm.
Krahu i armatosur i Hamasit, Brigadat Al-Qassam, mori përgjegjësinë për vrasjen e rreshterit Azulay në fillim të kësaj jave. Grupi, megjithatë, nuk lëshoi menjëherë një deklaratë për vdekjen e Biran-it.
