Presidenti amerikan Donald Trump po përgatitet të kryejë testimin e parë të sistemit mbrojtës antimisile “Kupola e Artë” në fund të vitit 2028, që përkon me zgjedhjet presidenciale në SHBA.
Një zyrtar i Pentagonit konfirmoi se Agjencia për Mbrojtjen nga Raketa planifikon ta etiketojë testimin si FTI-X, shkurtim për “Testim të Integruar të Fluturimit”. Ushtrimi do të kombinojë sensorët dhe interceptuesit e Kupolës së Artë në një sistem të vetëm, të aftë të përballojë kërcënime të mëdha balistike.
Ky afat trevjeçar konsiderohet ambicioz, duke pasur parasysh dekadat e kërkimeve amerikane për interceptimin e raketave balistike në hapësirë.
Gjenerali i Forcave Hapësinore, Michael Guetlein—emëruar nga Trump në maj për ta drejtuar këtë iniciativë—së fundi komentoi sfidat gjatë samitit të industrisë hapësinore:
“Mendoj se sfida teknike kryesore do të jetë ndërtimi i interceptuesve në hapësirë. Kjo teknologji ekziston, besoj. Kemi provuar çdo element fizik që mund të bëjë punë. Ajo që nuk e kemi provuar ende është, së pari, a mund ta bëjmë ekonomikisht, dhe së dyti, a mund ta prodhojmë në shkallë të gjerë? A mund të ndërtojmë satelitë të mjaftueshëm për t’u përballur me kërcënimin? A mund të rrisim shpejt bazën industriale për ti prodhuar këta satelitë?”
Disa nga teknologjitë e nevojshme po testohen tashmë, siç konfirmoi krye-ekzekutiva e Northrop Grumman, Kathy Warden.
Më herët këtë muaj, Pentagonit njoftoi se Agjencia për Mbrojtjen nga Raketa (MDA) kishte testuar me sukses një radar me rreze të gjatë të zhvilluar nga Lockheed Martin në Alaska, i destinuar për monitorimin e raketave balistike në distanca të mëdha, përfshirë hapësirat ruse dhe kineze. Pritet që ky radar të bëhet një komponent kyç i sistemit “Kupola e Artë.”
