Presidenti i SHBA-së, Donald Trump, ka ngritur një padi prej 15 miliardë dollarësh kundër gazetës The New York Times për “shpifje dhe fushatë denigruese” ndaj tij. Në një postim në llogarinë e tij në Truth Social, Trump pretendoi se New York Times “prej dekadash ka botuar lajme të rreme për të, familjen dhe bizneset e tij”.
Kritika për mbështetjen ndaj Kamala Harris
Trump kritikoi gazetën për mbështetjen që i kishte dhënë ish-Zëvendëspresidentes dhe kandidates presidenciale Kamala Harris, duke thënë:
“Mbështetja e tyre për Harris ishte e vendosur në qendër të faqes së parë të New York Times. Kjo ishte diçka që nuk ishte parë kurrë më parë dhe përfaqëson ndihmën më të madhe të paligjshme zgjedhore.”
Padi për 15 miliardë dollarë
Trump tha se New York Times ka përdorur “gënjeshtra, shpifje dhe metoda denigruese në mënyrë sistematike prej vitesh” dhe për këtë arsye ai ka hapur një padi për 15 miliardë dollarë.
Paditë e Trump kundër mediave
Trump kujtoi se më parë kishte hapur procese gjyqësore kundër mediave si ABC dhe CBS dhe se kishte arritur “rezultate të suksesshme” duke fituar dëmshpërblime.
Ai theksoi se padia është ngritur në shtetin e Floridës dhe shtoi:
“Fushata e shpifjeve dhe gënjeshtrave që New York Times ka zhvilluar kundër meje prej vitesh, tani përfundon.”
